Arxiv materiallarına diqqət etsək, Hitlerin ölümü ilə bir sıra “təzadlara” rast gələrik.

 İlk baxışdan cavab birmənalı və aydındır: dəlisov fürer və onun həyat yoldaşı Eva Braun 1945-ci ildə aprel ayının 30-da 15:30-da, İmperiya dəftərxanasında quraşdırılmış yeraltı bunkerdə intihar ediblər. Amma başqa bir versiya da mövcuddur: Hitler heç də intihar etməyib, Eva Braun və tərəfdaşları ilə mühasirəyə alınmış Berlindən Cənubi Amerikaya qaçıb və orada 1964-cü ildə 75 yaşında vəfat edib.

İlk ziddiyyətlər

Amerikalı tarixçi və yazıçı Uilyam Şirer özünün fundamental tədqiqat əsəri olan 1960-cı ildə çap edilmiş “Üçüncü reyxin yüksəlişi və süqutu” kitabında iddia edir ki, Hitler və Evanın cəsədləri və sümükləri tapılmayıb, onlar rus mərmilərinin partlayışı nəticəsində məhv ediliblər.  Yarım əsr keçdikdən sonra isə Hitlerin, Eva Braunun və ali nasist rəhbərlərinin taleyi ilə argentinalı tarixçi və yazıçı Abel Basti məşğul olub.

Onun tədqiqatlarının nəticələri 2006-cı ildə işıq üzü görmüş “Hitler Argentinada” kitabında öz əksini tapıb.

O, iddia edir ki, intihar və Hitler ilə Eva Braunun cəsədlərinin yandırılması uydurmadır. Hitler və onun həyat yoldaşı Cənubi Amerikada gizlənməyə və orada ahıl yaşlarınacan yaşamağa müvəffəq olublar.

Faktlar və şahid ifadələri

Bu nə sənəd və şahid ifadələridir? Məsələn, aviamühəndis Hans Bauer bildirib ki, aprel ayının 30-da 1945-ci ildə 16:30 (yəni elan edilmiş intihardan 1 saat sonra) o, Adolf Hitleri açıq-boz rəngli kostyumda Berlinin mərkəzində “Yunkers-52” təyyarəsinin yanında görüb.
Digər sənədə müvafiq olaraq, aprel ayının 25-də fürer bunkerdə Hitlerin təxliyyəsi barəsində gizli iclas keçirilib, bu iclasda məşhur pilot Hanna Rayç, as-pilot Hans Ulrix Rudel və Hitlerin şəxsi pilotu Hans Bauer iştirak ediblər. Fürrerin təxliyyəsi barədə məxfi plan “Seral əməliyyatı” adı alıb.

5 gün öncə isə aprel ayının 20-də Berlindən Barselonaya uçan sərnişinlərin siyahısı təsdiq edilib. Siyahıya Hitler başçılıq edirdi, Hebbels, onun arvadı və uşaqlarının adı isə siyahıdan silinmişdi.

Belə ki, Adolf Hitler və onun “siyahı tərkibi” 1945-ci ilin aprel ayının 30-da Berlindən İspaniyaya uçub, ordan isə fürer, Eva Braun və onların geniş svitası sualtı gəmi ilə Argentinaya gəliblər, gəmilər isə məxfilik məqsədi ilə sonradan batırılıb. Bu sualtı reysin reallığı, Argentinanın sahillərində təxminən 30 metr dərinlikdə dalğıcların qum ilə örtülmüş obyektləri tapmaları ilə təsdiqlənir. Bu obyektlər amerikalıların kosmosdan çəkdikləri şəkillərdən də aşkar görünür.

Bunu nasistlərin submarinləri olduğunu 1945-ci ilin yayında Argentina vilayəti Rio-Neqroda yerləşən Kaleta-de-los-Loros buxtasına üstündə svastika olan üç sualtı gəminin yan almasını müşahidə edən şahidlərin ifadələri də təsdiqləyir.

Uğursuz tamaşa?

Hitlerin guya ki, cəsədini dəfn edən şahidlər arasında bir nəfər də olsun onun ampluanı dişləməsini və gicgahına güllə sıxmasını görən olmayıb.

Arxiv materiallarına diqqət etsək, Hitlerin ölümü ilə bir sıra “təzadlara” rast gələrik. Öncə onun zəhərləndiyi deyilir. Sonra isə özünü gicgahından vuraraq intihar etməsi deyildi. Amma sonra isə birinci özünü zəhərləyib, sonra güllələdiyi yazıldı. Zəhər ani konvulsiya və ölüm ilə nəticələnir: özünü zəhərləyən adam sonradan necə tətiyə basa bilərdi?

Bir sözlə, Hitlerin ölümünə şahidlik edənlər ifadələrində çaş-baş qalıblar.

Podpolkovnik Şkaravski, cəsədin yarılmasında iştirak edib, o bəyan edib ki, cəsədin üzərində güllə yarası olmayıb, yalnız dişlərində ampluanın qalıqları olub. Bütün bunlardan belə bir nəticə ortaya çıxır: esesçilər heç bir zaman Hitlerin cəsədini görməyiblər, ona görə də onun ölümü barədə təsvirdə uyğunsuzluqlar var. Onlara öncədən fürerin öldüyünü demək əmr edilmişdi, amma onlar öz rollarını yetərincə yaxşı ifa edə bilmədilər.

Stalin və Jukov da şübhələndilər

Heç şübhəsiz ki, “şahidlərin” belə nağıllarını oxuyan Stalin Hitlerin ölümünə inanmadı. Məlumdur ki, Sovet kəşfiyyatı füreri eyni anda Cənubi Amerikanın bir neçə dövlətində axtarmağa başladı, bunu DTK arxiv materialları da təsdiq edir.

1945-ci ilin iyun ayının 9-da xarici jurnalistlər üçün verilən mətbuat-konfransında Georgi Jukov bəyan edib ki, fürer və Eva Braun gizlicə Hamburqa uçublar, ordan isə sualtı gəmi ilə yola düşüblər.

Eləcə də Stalinin (onlardan biri ABŞ dövlət katibi Birnslədir) üç telefon danışığının stenoqrafik yazısının mövcudluğu da məlumdur, bu danışıqlardan birində o fürerin qaçaraq gizlənməyə müvəffəq olduğunu aşkar şəkildə deyir.

Füreri oxşarı “xilas edib”?

Argentinada Hitler öz rəsmi ölüm tarixindən sonra iyirmi il də yaşayıb.

1945-ci ildə ictimaiyyət qarşısında onun oxşarı çıxış edib, o yaşından böyük görünürdü. Hitleri əvəz edən bu şəxs sona qədər bunkerdə qalıb – nəticədə orda ölən də odur.

Qonaqpərvər Argentinada həyat

Argentinada bütün şahidlər “sonrakı” Hitlerin yetərincə sağlam olmasını deyir, düzdür o bir az çətin yeriyirdi, əsa ilə - çox güman ki, 1944-cü ildəki sui-qəsdin nəticəsidir. O, ispan dilini sona qədər öyrənə bilmədi və bu dildə çox pis danışırdı.

Məşhur bığları artıq yox idi, saçları isə qısa kəsilmişdi və artıq dən düşmüşdü... Eva Braun haqqında xüsusi danışmaq lazımdır. O, 1912-ci ildə dünyaya gəlib və Hitlerdən 23 yaş kiçik idi. Eva Braunun və Adolf Hitlerin Argentinada uşaqlarının dünyaya gəlməsi ehtimalı istisna edilmir.

Ölkə üçün şans

ABŞ-ın FKB-nun 1997-ci ildə açılmış 21 sentyabr 1945-ci il tarixi ilə qeyd edilmiş arxiv sənədlərinin birində informatorun üç argentinalı nazirin göyərtəsində Hitlerin olduğu sualtı gəmini qarşılamasına dair şahidlik ifadələrini təqdim etməyə hazır olduğu göstərilir.

1996-cı ildə açılmış MKİ-nin məruzəsində Argentina prezidenti Xuan Peronun Üçüncü reyxin süqutundan sonra SS-in İsveçrədə nəzarət etdiyi məxfi hesablardan yeddi milyon dollar alması məlumdur – bu susmağın bədəli idi.

Peronun bu barədə ifadəsi də məlumdur: “Bu, bizim üçün uğurdur. Almanlar bizim iqtisadiyyata böyük miqdarda vəsait yatırıblar, fabrik və zavodlar tikiblər, bizim banklara qızıl ilə milyardlarla pul köçürüblər. Məgər bu sərfəli sövdələşmə deyildi?”.

Vadim İlyin