Teleqraf.az-ın məlumatına görə, Azərbaycanda Vətəndaş Cəmiyyətinin İnkişafına Yardım Assosiasiyası  (AVCİYA) 06.04.2016-cı il tarixində "Ədalətin Bərqərar Olunması və Böyük  Fəlakətin Qarşısının Alınması naminə” adlı petisiya layihəsinin icrasına  start verib. Layihə çərçivəsində Ağ Ev Administrasiyasının internet 
resursunda AVCİYA prezidenti Elxan Süleymanovun imzası ilə Obama  Administrasiyasına petisiya ilə müraciət edilib.

Petisiyaya Azərbaycanda təhsil alan tələbələrlə yanaşı Türkiyədə təhsil  alan azərbaycanlı tələbələr də aktiv şəkildə dəstək nümayiş etdiriblər.  Türkiyədə təhsil alan gənclər AVCİYA-nın hazırladığı çap materialları  (baner, roll-up,buklet, broşur, flayer və s) ilə təhsil aldıqları  universitetlərdəki tələləbələri "Ədalətin Bərqərar Olunması və Böyük  Fəlakətin Qarşısının Alınması naminə” adlı petisiyaya haqqında  məlumatlandıraraq dəstək olmaq üçün imza toplamağa çalışırlar.