Laçın rayonundan məcburi köçkün Müqabil Baxışov Laçın rayonunun icra başçısı Akif Səlimovdan Teleqraf.az vasitəsi ilə dövlət başçısı İlham Əliyevə müraciət ünvanlayıb.

Müraciəti olduğu kimi təqdim edirik:

“Xeyli vaxtdır ki, Laçın Rayon İcra Hakimiyyətinin Başçısı A.Səlimov cənablarının zülmündən yuxarı orqanlara və KİV-lərə çoxsaylı müraciətlər edirəm. Çox təssüf ki, aidiyyatı dövlət orqanları rayonumuzda baş verən korrupsiya əməllərinə,  ədalətsizliklərə, özbaşnalıqlara göz yummaqda davam edir.Hətda korrupsiyaya uğramış hər hansı məmurun işdən azad edilməsi rayon sakinləri tərəfindən israr edildikdə A.Səlimov cənablarının "qayğıkeşliyi" sayəsində işdən azad edilmiş rəhbərin digər bir ailə üzvü  həmin posta təyinat ala bilir.Bir sözlə dolayı yollarla dövlət büdcəsini qarət etməkdə mahir olan şəxlərə A.Səlimov xüsusi qayğı və diqqət göstərir.  Şikayət ərizələrimdə göstərdiyim korrupsiya faktları rayon prokurorluğunda öz təsdiqini tapsada cinayət əməlini torətmiş şəxlərə  gözün üstə qaşın var deyən tapılmır. Əksinə Dövlət büdcəsini qarət edənləri ifşa etdiyim üçün A.Səlimov cənablarının qəzəbinə düçar olmuşam. A.Səlimov cənabları məndən qisas almaq üçn bütün riçaklarını işə salaraq var gücüylə məni və yaxınlarımı  iqtisa sanksiyaların burulğanında boğmaqda davam edir. Düçar olduğum bu çətin vəziyyətdə bir çox yüksək çinli məmurlarda A,Səlimov cənablarına öz dəstəyini əsirgəmir. Rayonumuzda yaranmış eybəcər mühütdən  Prezident Admistrasiyasına şikayət edərək pozulmuş hüquqlarımın bərpa edilməsini və rayonumuzdakı korrup siya mühütünün qarşısının alınmasın xahiş etmişdim. Bununla əlaqədər olaraq Preziden Aparatında kurator Ağəli müəllimin qəbulunda olub rayonumuzda baş verənləri rəhbərliyə çatdırmasını xahiş etdim. Bundan sonra A.Səlimov məni qəbul edib bildirdi ki,  səni işlə təmin edirəm izahat yazkı iş yerimə bərpa edildim.Bu haqda İcra Hakimiyyətinin Ümumi şöbə müdiri E.Qasımov izahatımı alıb Prezident Admistrasiyasına göndərdi. Lakin iki ay keçməsinə baxmayaraq hələdə  A.Səlimov bizə tətbiq etdiyi iqtisadi sanksiyaları ləğv etməyib. Hörmətli Agentlik A.Səlimov taleyimizin ən amansız və ən dəhşətlərini günləri, hətda mənfur ermənilər tərəfindən yurd-yuvamız işğal olunduğu dövrdən də betər günlər bizə yaşatmaqdadır. Odur ki, sizin portalınız vastəsi ilə Azərbaycan Respublikasının Möhtərərm  Prezidenti İ.Əliyev cənablarından bir daha köməklik istəyirəm.

Cənab Prezident!

Laçın Rayon İcra Hakimiyyətinin Başçısı A.Səlimovun üç illik fəaliyyəti dövründə rayonun idarə və müəssisələri təftiş edilərsə korrupsiyanın pik həddə çatdığının aşkar ediləcəyinə heç şübhəm yoxdur. Rayonun bütün idarə və müəsisələri A.Səlimovun şəxsi biznes sahəsinə çevrilib. Özbaşnalıq hakim kəsilib. Rayonda bütün vəzifələr hərraca çıxarılmaqla qabiliyyətsiz, lakin pullu biznesmenlərə satılır. A.Səlimovun pula hərisliyi rayonun bütün idarə və müəssisələrini iflic edib. Maliyyə Nazirliyi tərəfindən komisya ayrılmasına və iştirakım təmin olunmaqla rayonun idarə və müəsisələrinin təftiş edilməsinə dair Maliyyə Nazirliyinə göstəriş verməyinizi  sizdən çox acizanə xahiş edirəm. Əgər iştirakım təmin olunarsa dövlət büdcəsindən qoparılmış millyonların dövlət büdcəsinə qaytarılacaqına və rayonumuzdakı şah rejiminin sonu olacaqına inanıram.

Laçın Rayonun Şeylanlı kəndindən məcburi köçkün, A.Səlimov zülmündən qaçqınlıq təki dəhşətli bir bəlanın astanasında dayanmış Baxışov Müqabil Baxış oğlu.”

P.S. Qarşı tərəfin mövqeini dərc etməyə hazırıq