Təbiət Elmləri İctimai Birliyi tərəfindən “Megafun” Əyləncə Mərkəzi və “Azure” Biznes Mərkəzinin təşkilatçılığı ilə     5-7 iyun tarixlərində təbiətin və geoloji tapıntıların daha yaxından öyrənilməsi məqsədilə maarifləndirici sərgi keçiriləcək.

Teleqraf.az-a verilən məlumata görə, şərgi 5 iyun tarixindən etibarən 3 gün olmaqla səhər saat 10:00 - dan axşam saat 19:00 - a qədər nümayiş ediləcək. . Sərgidə ən qədim canlılara aid qalıqlar, məlumat xarakterli bannerlər nümayiş etdirilicək. Sərgi ərzində birliyin nümayəndələri tərəfindən iştirakçılara canlıların milyonlarla il ərzində dəyişmədiyi, dövrümüzə qədər canlı qalıqlarının geoloji qatlarda qorunduğu haqqında məlumat veriləcək. Elmin daha çox populyarlaşdırılması, elmi mövzuların asan və anlaşılan şəkildə izah edilməsi sərgi iştirakçıların diqqətinə çatdırılacaq. Bakı 2015 Avropa Oyunlarını nəzərə alaraq birliyin nümayəndələri sərgi barədə tədbir iştirakçılarına ingilis, rus və azərbaycan dillərində məlumat verəcəklər. Sərgidə həmçinin yeni hazırlanmış bir neçə elmi-populyar saytın da təqdimatı olacaq. Xalqımızı bu çox maraqlı eksponatlarla tanış olmaq və maraqlı elmi məlumatları öyrənmək üçün 5-7 iyun tarixlərində  “Megafun” Əyləncə Mərkəzinə və “Azure” Biznes Mərkəzinə dəvət edirik.