Klassik Xalq Cəbhəsi Pariyasının işğalçı rus ordusunun Azərbayandan  çıxarılmasının 23-cü ildönümü münasibətiylə

Müraciəti

 Əziz həmvətənlər!

Hörmətli Xanımlar və Bəylər !

Bu gün - 25 may Azərbaycan Xalqımızın və Azərbaycanın Dövlətçilik tarixinin ən önəmli və şərəfli günlərindən biridir.

           25 may 1993-cü ildə Azərbaycan ərazisindən işğalçı rus qoşunları çıxarılmışdır.

          1804-cü ildən etibarən Azərbaycan ərazilərində işğalçı rus qoşunlarının yerləşdirilməsinin rəsmləşdirilməsi və Gülüstan, Türkmənçay, Moskva, Qars  müqavilələri adı altında torpaqlarımız işğal edilmişdir. İnsanlarımız şəhid düşəndən, ərazilərimiz işğal olunandan  bəri işğalçı rus ordusunun qovulması bütün nəsillərin ən müqəddəs arzusu olmuşdur. Bu arzunun gerçəkləşməsi üçün bir anda dayanmadan yüz illərlə şəhidlər vermişik.       Torpaqlarımız rus işğalına məruz qalmaqla bərabər insanlarımız, nəsillərimiz, adət-ənənələrimizi, milli kimliyimiz, dinimiz, adlarımız, soyadlarımız  repressiya olunmuşdur.

          İstər çar rusiyası, istərsə sovet  rusiyası  zamanı bu repressiya davam etdirilmiş – şəhərlərimiz, dağlarımız, daşlarımız repressiyaya məruz qalmış, müxtəlif dövrlərin lənətlənmiş adamlarının adıyla tarixi şəhərlərimizin adları, hətta toponimlər dəyişdirilmişlər. Rəsmiləşdirilən  rus işğalı 200 ilə yaxın davam etsədə, məkrli rus işğalının fəsadları bu gündə davam etməkdədir.

          28 may - Cümhuruyyət günü, 15 sentyabr  - Bakının işğaldan azad olunması, 18 oktyabr - müstəqillik aktının qəbul olunması, 17 noyabr -  milli dirçəliş günləri  nə  qədər qiymətlidirsə, 25 may günü də onlar  qədər önəmlidir.

          Bütün bunları nəzərə alaraq  Millətini, Dövlətini düşünən hər kəsi – 25 may rus işğalçı qoşunlarının Vətənimizdən çıxarılması günü münasibətiylə təbrik edirik!

          Bu ərazilərdən son işğalçıların - son gedişi, hər kəsə düşərli olsun !

İşğalçılara qarşı döyüşlərdə  Torpaq, Vətən, Millət, Ümmət, Dövlət, Bayraq  naminə şəhid olanların ruhları şad olsun!

İnanırıq ki,  əsrlərlə davam edən işğalçı rus ordusunun ölkəmizdən çıxarılmasının  dövlət bayramı kimi  qeyd olunması günü çox yaxındadır. 25 may rus qoşunlarının Azərbaycandan çıxarılmasının  dövlət bayramı kimi qeyd olunması Qarabağ probleminin həllində mühüm addımlardan biridir. Bu addım nə qədər tez atılsa, Qələbə o qədər  yaxındır.

İşğalçı rus qoşunlarının vətənimizdən çıxarılması-25 may şərəfinə Bakı şəhərində abidə qoyulması ilə əbədiləşdirilməlidir. 

          Sayğıdəyər  soydaşlar! Bayramınız mübarək.