KXCP -  hakimiyyətdən Vyana danışıqları haqqında dəqiq  açıqlama tələb etdi.

Klassik Xalq Cəbhəsi Partiyasının  23 may 2016-ci ildə İdarə heyətinin  yığıncağı keçirilmişdir. Yığıncaqda qərarların icra vəziyyəti, ictimai – siyasi vəziyyət  və qarşıda duran vəzifələr  müzakirə edilmişdir. Müzakirələrə uyğun  müvafiq qərarlar qəbul edilmişdir.  İdarə heyətinin toplantısında   Azərbaycan hakimiyyətinin   təcavüzkar ermənistan hakimiyyəti ilə apardığı son  Vyana danışıqları haqqında xalqa  dəqiq    məlumat verilmədiyi  pislənilmişdir.

 KXCP - hakimiyyətdən, Vyana danışıqları haqqında Azərbaycan xalqına  dəqiq açıqlama verməsini tələb edir. Azərbaycan əsgərinin döyüşlərdə əldə etdiyini, Azərbaycan hakimiyyəti danışıqlarda uduzdurursa, bu addımın hesabatını verməlidir.

Toplantıda son qiymət artımı ilə bağlı müzakirələr aparılmış,  hökümətin xalqın əleyhinə məqsədyönlü addımları pislənilmişdir.

İdarə heyətinin toplantısında - 25 may rus ordusunun Azərbaycandan çıxarılmasının 23-cü il dönümü ilə əlaqədar  KXCP-nin  keçirəcəyi tədbirə aid   son tapşırıqlar verilmişdir. 

28 May Xalq Cumhuriyyətinin yaranmasının 98-ci il dönümü tədbirlərinə   hazırlığın  vəziyyəti  müzakirə edilmiş, işlərin yekunlaşdırılması haqqında  müvafiq tapşırıqlar verilmişdir.