ATƏT-in Minsk Qrupunun Rusiyadan olan həmsədri İqor Popov deyib ki, “Dağlıq Qarabağ” danışıqlar masası arxasına qayıtmalıdır.

Məlumatı Novosti Armeniya yayıb.

“Danışıqların hazırkı mərhələsində qarabağlılar formal olaraq iştirak etmirlər. Amma istər Ermənistanda, istər Azərbaycanda, istərsə də Dağlıq Qarabağın özündə aparılan danışıqlarda bu məsələyə çox böyük diqqət yetirilir. Hesab edirəm ki, müəyyən bir mərhələdə, məsələn, çərçivə razılaşması əldə ediləndən sonra qarabağlılar danışıq masası arxasına qayıtmalıdırlar”, – deyə rusiyalı həmsədr vurğulayıb (Virtualaz.org).