Qarabağ Azadlıq Təşkilatının üzvləri Xocalı Soyqrımının 24-cü ildönümü ilə bağlı "Xocalı" abidəsini ziyarət ediblər.

QAT üzvləri "Xocalı" abidəsini  ziyarət etdikdən sonra, təşkilatın mərkəzi ofsində tədbir keçiriblər.  

"Xocalı Soyqrımından 24 il keçməyinə baxmayaraq hələ də başımız aşağıdırdır” deyən QAT sədrinin müavini İlqar Əli Teleqraf.az-a bildirib ki, “ Bəla o zaman başlayır ki, orda söz deməyə yer olmur. Bizim artıq deməyə sözümüz yoxdur, biz çoxdan torpaqlarımız uğrunda müharibəni başlamalı və torpaqlarımızı azad edib Xocalıda tökülən qanların qisasın almalıydıq.  Əgər əsirlikdə olan qadınlarımız ermənilər tərəfindən bu gün də təhqir edilirsə, əsir soydaşlarımız Azərbaycan televiziyalarına baxıb orda hər gün çal-çağır görürsə, onların qəlblərində olan ümidləri kəsilirsə, bizim bundan sonra təkrar-təkrar danışmağımızın heç bir mənası yoxdur. Biz Xocalıda törədilənlərin  qisasın almaq əvəzinə  “Multikuluralizm” ili keçiririksə demək sözün bitdiyi yerdəyik. Azərbaycan hakimiyyəti heç olmasa bundan sonra boş-boş işləri kənara ataraq işğalda olan torpaqlarımızın azad olunması haqqında düşünməlidir.” 

İlqar Əli onu da bildirib ki, Xocalı Soyrqımı ilə bağlı QAT-ın Ağsu, Zaqatala, Cəlilabad və Xaçmaz rayon şöbələri də anım tədbirləri keçirərək şəhidlər xiyabanlarını ziyarət ediblər. 

Elşən