“Azadlıq-2015” Seçki blokunun   növbədən kənar toplantısı keçirilib.

Teleqraf.az-ın xəbərinə görə, toplantıda, Prezident Administrasiyasının   may ayının 13-16-da - “I Avropa İdman oyunlarına münasibət” -  mövzusunda siyasi  partiyalarla növbəti görüş keçirilməsi təklifi müzakirə edilmişdir. Müzakirələr zamanı  tədbirə fəaliyyət  göstərən  bütün qeydə alınmış və qeydə alınmamış siyasi partiyaların dəvət ediləcəyi barədə tədbir təşkilatçısı kimi çıxış edən Prezident Administrasiyası  ictimai  siyasi   şöbəsinin mövqeyi diskyssiyalara səbəbolmuşdur. Eyni zamanda  əvvəlcədən əldə olunan razılığa uyğun olmayaraq mövzunun bir tərəfli qaydada müəyyənləşdirilməsi bu tədbirin məqsədi ətrafında qeyri müəyyənlik yaratmasından narahatlıq ifadə olunmuşdur. Bunları nəzərə alaraq,  müzakirələrin siyasi partiyaların yetkili orqanlarında davam etdirilməsi və yalnız bundan sonra qərara bağlanması məqsədəuyğun hesab olunmuşdur.