Aygün Sadıqzadə

Xəstəliklər möminlərin Rəbbimizə olan sevgisini və bağlılığını göstərdiyi vəsilədir. Allah`a iman edən, Onunu yaratdığı qədərə təslim olan möminlər hər  cür xəstəliyin və şəfanın Allah`dan gəldiyini unutmur, Ondan gələn hər şeyə razı olurlar. Beləliklə, Allah`ın diləməsi ilə xəstəlik nemətə çevrilir.

Xəstəliklər insana acizliyini xatırladır. Son dərəcə mükəmməl qorunan insan bədəni  gözlə görünməyəcək qədər kiçik bir virus və ya mikrobdan zədələnə bilir. Bir az düşünsək, əslində, orqanizmin zəifləməsinin boş yerə olmadığını görərik. Çünki Allah insan bədənini son dərəcə qüsursuz sistemlərə sahib şəkildə yaradıb. Xüsusilə də insan bədənindəki müdafiə sistemi düşmənlərinə qarşı çox güclü  ordu kimidir. Amma insanlar bütün bunlara baxmayaraq, tez-tez xəstələnirlər. Əlbəttə ki, bədənə belə üstün sistemləri yerləşdirən Allah diləsəydi, insan heç vaxt xəstələnməzdi. Viruslar, mikrob və bakteriyalar ona heç təsir etməz və ya bu cür kiçik düşmənlər heç olmazdı. Amma hər insan çox kiçik səbəblərə görə pis xəstəliklərə tutulurlar. Məsələn, üzdəki kiçik bir yaradan bədənə girə virus qısa zamanda bütün bədənə yayıla bilir. Texnologiya nə qədər inkişaf etsə də, bir qrip virusu belə insana çox rahat şəkildə zərər verir.

Bütün bunlar gözlənilməz təhlükə deyil, hər gün hər kəsin başına gələn hadisələrdir. Əlbəttə, bunları normal qarşılayıb üzərində düşünmədən keçmək böyük xətadır. Bütün acizliklər kimi, xəstəliklər də Allah tərəfindən xeyir olaraq yaradılıb. Bundan başqa, insan bununla dünyanın qüsurlu olduğunu qavramış olur.

Xəstəliklər Allah`ın müsəlmanlara Cənnəti arzulayıb Ondan rəhmət istəməsi, sağlamlığın bir nemət olduğunu düşünüb şükür etməsi, acizliklərinin fərqində olub Allah`a boyun əyməsi üçün verdiyi imtahandır.

Bir çox insan səhər yuxudan oyananda ayaq üstə durmağın, heç bir problem olmadan gəzə bilməyin böyük nemət olduğunu düşünmür. Sadəcə ayağın ağrıması insanın bütün həyatına təsir edir, çətinliklər yaradır. Ağrıyan ayaq insanın, bəlkə də, hər gün atdığı minlərlə addımın böyük nemət olduğunu anlamağına vəsilədir.

Müsəlman bunun kimi hər mövzunu Allah`a yaxınlaşdıran yol olduğunu düşünür və Allah`ın verdiyi sağlamlığın necə böyük nemət olduğunu xatırlayıb Allah`a şükür edir. Xəstəliyi  verənin də, alanın da Allah olduğunu bilir, şəfanı da Allah`dan diləyir. Ağrısı olanda Allah`ı xatırlayır, dua edir.

Quranda hz.İbrahimin (əs) zikri belə xəbər verilir:

Xəstələndiyim zaman mənə yalnız O şəfa verir. (Şüəra surəsi, 80)