“Gələn il neftin qiyməti daha 10 dollar aşağı düşəcək”.

Bu iddia Dünya bankına aiddir. Bankın ötən bazarertəsi açıqladığı hesabata görə, ucuzlaşmanın səbəbi İranın qlobal bazara qayıdışıyla bağlı olacaq. Bazara hər gün 1 milyon barel əlavə “qara qızıl”ın ixrac ediləcəyi və nəticədə qiymətlərin daha 21% aşağı enəcəyi gözlənilir.

Xatırladaq ki, hazırda neftin qiymətləri onsuz da xeyli aşağıdır. Qlobal neft bazarında təklifin tələbi üstələməsi nəticəsində bir barel “qara qızıl” 50 gollardan aşağı qiymətə satılır. Dünya bankının proqnozları doğrularsa, belə çıxır ki,  qiymətlər 40 dollardan da aşağı enəcək. Bu isə iqtisadiyyatı neftə dayalı ölkələr, o cümlədən Azərbaycan üçün fəlakətin başlanqıcı deməkdir.