Səudiyyə Ərəbistanına aid 4 qırıcı təyyarə Adanada yerləşən İncirlik hərbi bazasına eniş edib.

  Musavat.com xəbər verir ki, bu barədə məlumat NTV-də yer alıb.

 Məlumata görə, həmin qırıcı təyyarələr İŞİD-ə qarşı yaradılan koalisiyaya qatılmaq üçün hərbi bazaya gəliblər. Qırıcı təyyarələrdən öncə 30 nəfərlik birlik iki gün əvvəl İncirlik bazasına gəlmişdi. Onlarla yanaşı qırıcı təyyarələrin istifadə edəcəyi sursatlar da həmin əraziyə gətirilmişdi.