Bərdə rayonunda yanğın hadisəsi baş verib. ANS PRESS-in Qarabağ bürosunun məlumatına görə hadisə rayonun Təbriz küçəsi 70 ünvanında qeydə alınıb. Hələlik hansı səbəbdən baş verdiyi bilinməyən yanğın rayon sakini Ədalət Mirzəyevin həyətyanı sahəsində olan tövlədəki ot tayasında başlayıb. 

Bir müddət sonra alov bütün tikilini bürüyüb. Tövlənin içərisində olan iri buynuzlu mal-qara xilas edilib.

Əraziyə dərhal FHN-nin Bərdə yanğından mühafizə xidmətinin briqadaları cəlb ikunub. Xidmətin əməkdaşları yanğını neytrallaşdırmağa müvəffəq olublar. Alovun yaxınlıqdakı evlərə keçməsinin qarşısı alınıb. 

Hazırda yanğının tam söndürülməsi üçün işlər davam edir. 

Əldə olunan məlumata görə yanğın zamanı ev sahibi evdə olmayıb. 

Yanğının hansı səbəbdən baş verdiyi isə araşdırmalardan sonra məlum olacaq.