Şəmkir və Yevlaxda yanğın hadisəsi qeydə alınıb. 

Teleqraf.az-ın məlumatına görə, Şəmkirin Səməd Vurğun qəsəbəsində (rayon mərkəzindən 7 km aralı) vətəndaşa məxsus “Kamaz” markalı yük avtomobilinin yanar hissələri, avtomobilin banına yığılmış 10 ton ot bağlamasının 3 tonu, yaxınlıqda olan “Ural” markalı yük avtomobilinin təkərləri və kabinəsi yanıb. 

Ot bağlamasının və “Ural” markalı yük avtomobilinin qalan hissəsi yanğından mühafizə olunub.

Yanğın yanğınsöndürənlər tərəfindən söndürülüb.

Digər yanğın isə Yevlax rayonu, Aran qəsəbəsində baş verib. Vətəndaşa məxsus “Mercedes” markalı minik avtomobilinin mühərrikində elektrik avadanlıqları yanıb. Avtomobilin qalan hissəsi yanğından mühafizə olunub. 

Yanğın saat 21:28-də yanğınsöndürənlər tərəfindən söndürülüb.