Daşkəsən rayonunda yanğın hadisəsi qeydə alınıb. 

Fövqəladə Hallar Nazirliyindən Teleqraf.az-a verilən məlumata görə, yanğın hadisəsi rayon mərkəzindən 9 km aralıda yerləşən Qazaxyolçular kəndi sakinlərindən birinin evində baş verib.

Hadisə nəticəsində vətəndaşa məxsus ümumi sahəsi 288 kv.m olan ikimərtəbəli 7 otaqlı evin ikinci mərtəbəsində 5 otağın yanar konstruksiyaları 144 kv.m sahədə və evə bitişik ümumi sahəsi 54 kv.m olan talvarın yanar konstruksiyaları 30 kv.m sahədə yanıb. 

Evin və talvarın qalan hissəsi yanğından mühafizə olunub.