Bakının Binəqədi rayonunda yerləşən 102 saylı orta məktəbdə yanğın başlayıb.

11:08

Fövqəladə Hallar Nazirliyindən (FHN) Report-a verilən məlumata görə, məktəbin şagird və müəllim heyəti təxliyyə edilib.

Yanğının qarşısının alınması istiqamətində tədbirlər görülür.

11:39

Bakının Binəqədi rayonunda 102 saylı məktəbdə baş verən yanğın söndürülüb.

Bu barədə Report-a həmin məktəbdən məlumat verilib.

Yanğın təhsil müəssisəsinin qazanxanasında səhər saatlarında qaz xəttinin açılması prosesi zamanı baş verib. Yanğınsöndürənlər yanğının məktəb binasına ziyan vurmasının qarşısını alıb.