"Kurtlar Vadisi" serialında Polad Ələmdar obrazını canlandıran Necati Şaşmaz qəzaya uğrayıb.

 Teleqraf.az-ın məlumatına görə, "Kurtlar Vadisi"nin növbəti  serialının çəkilişi zamanı baş verən  qəza nəticəsində aktyorun çənəsi sınıb.Məlumata görə çəkilişlər zamanı dublyor-aktyora ehtiyac duymayan “Polat Alemdar”, çənə sümüyünün qırığı diaqnozu ilə Göztepedəki özəl xəstəxanalardan birinə yerləşdirilib.

Hadisə ilə bağlı Pana Film rəsmi açıqlama yayıb.

Açqılamada deyilir ki, ötən gecə Türkiyə vaxtı ilə saat 02:00 radələrində "Kurtlar Vadisi Pusu"nun 236-cı serialının çəkilişi zamanı Necati Şaşmaz istifadə etdiyi avtomobili yol kənarındakı istinad divarına çırpıb. Avtomobilin hava yastığı açlaraq Şaşmazın çənəsini sındırıb.

Onun əməliyyat olunduğu və səhhətinin normal olduğu bildirilir.