"Aeroflot" Moskva ilə Tiflis arasında birbaşa aviareysləri bərpa edib.

Bu barədə “İnterfax” agentliyi gürcü rəsmilərə istinadən məlumat yayıb.

Altı illik fasilədən sonra iki ölkə arasında birbaşa hava reysləri bərpa olunub. 

Qeyd edək ki, "Aeroflot" Gürcüstana müntəzəm reyslərini bərpa etmək istəsə də, gürcü rəsmilər buna icazə verməmişdi.

Xatırladaq ki, 2008-ci ildə Rusiya ilə Gürcüstan arasında beş gün davam edən müharibədən sonra "Aeroflot" Gürcüstana uçuşları dayandırmışdı.