Bəhreynin Xarixi İşlər Naziri Tehrandakı səfirini geri çağırıb, İranın Manamadakı müvəqqəti işlər vəkilini "arzuolunmaz şəxs" elan edib.

Musavat.com xəbər verir ki, bu barədə məlumat Bəhreyn XİN-in Twitter-dəki rəsmi səhifəsində verilib. Məlumatda deyilir ki, iranlı diplomata ölkəni tərk etməsi üçün 72 saat vaxt verilub. Bəhreyn XİN İranı onun daxili işlərinə qarışmaqda da ittiham edib.

Qeyd edək ki, Bəhreyn polisi əldəqayırma partlayıcı qurğuların hazırlandığı sex və 1,5 ton partlayıcı maddənin saxlandığı anbar aşkar edib. Bununla əlaqədar bir neçə nəfər saxlanılıb. Polisdən bildirilib ki, saxlanılanlar İranın İslan İnqilabı Keşikçiləri Korpusu ilə əlaqəlidirlər.

Hazırda həmin şıxslərin Bəhreyndəki terror aktında iştirakının olub-olmadığı araşdırılır.