Həbsdə olan vəkil İntiqam Əliyevin barəsində olan cinayət işi üzrə materiallar məhkəməyə göndərilib.

Bu barədə APA-ya məlumat verən vəkil Fəxrəddin Mehdiyev bildirib ki, cinayət işi üzrə ibtidai istintaq yekunlaşıb, iş üzrə ittiham aktı Bakı Ağır Cinayətlər Məhkəməsinə göndərilib. İttiham aktı yaxın günlərdə icraata veriləcək.

İ. Əliyev Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə), 192.2-ci (qanunsuz sahibkarlıq) və 179.3.2-ci (mənimsəmə və ya israf etmə) maddələri ilə təqsirli bilinir.