Müsavat Partiyası başqanının həbsdə olan müavini Tofiq Yaqublunun qızı Nigar Yaqublu atası ilə görüşüb.

Teleqraf.az xəbər verir ki, bu barədə Nigar Yaqublu özünün “Facebook” səhifəsində status yazıb.

Həmin statusu olduğu kimi təqdim edirik:

"Bu gün 13 sayli cəzaçəkmə müəssisəsində atamla görüşdüm.

Səhhətində çox cüzi irəliləyiş var. Saxlanma səraitindən şikayəti yoxdur. Noyabr ayının bitməsinə baxmayaraq, hələ də həbsxananın istilik sistemi təchiz edilməyib və buna səbəb isə texniki problemin olması göstərilir. Görəsən, nə vaxt bərpa etməyi düşünürlər?

Söhbət əsnasında ata Batumda keçirilmis beynəlxalq konfrans zamanı bizim nümayəndələrin Azərbaycanda insan haqlarının pozulduğunu bildirən stendi cırdıqlarına dair öz fikirini bildirdi.

Arqumentləri belə olub ki, niyə tədbirin təşkilatçısı olan çexlər təkcə bizi önə çəkiblər.

Ermənistan, Belarus və s. ölkələrdə də insan haqları pozulur. Məncə bizimkilər düz etməyiblər, çünki bizdə vəziyyət lap dözülməzdir və bizi önə çıxardıblarsa, yaxsılıq ediblərmis. 

Əgər çexlər stenddə göstərsəydilər ki, Azərbaycanda insan haqlarının vəziyyəti əladır, bax, onda onu cırmaq lazim gələrdi. Çünki bizə pislik etmiş olacaqdılar..."