“ReAl” Hərəkatının həbsdə olan sədri İlqar Məmmədov 2 saylı Cəzaçəkmə Müəssisəsinin tibbi məntəqəsinə yerləşdirilib.

Hərəkatdan APA-ya verilən məlumata görə, İ. Məmmədovun xəstələnməsi barədə vəkili Fuad Ağayev noyabrın 12-də məlumat verib. Bu gün əldə olunan məlumata görə, İlqar Məmmədov tibbi məntəqəyə yerləşdirilib.

Ədliyyə Nazirliyi Penitensiar Xidmətin İctimaiyyətlə əlaqələr şöbəsindən isə APA-ya məlumatı nə təsdiq, nə də təkzib ediblər.

Şöbədən məhbuslarının yerlərinin dəyişdirilməsi ilə bağlı informasiyaları ictimaiyyətə açıqlamaq hüququna malik olmadıqlarını bildiriblər.