Rayonlarda başlayan etiraz aksiyalarından təşvişə düşən iqtidar xalqın qarşısına idmançıları çıxarmaq istəyir.

Teleqraf.az xəbər verir ki, bu barədə Azadlıq.info-ya daxil olan məlumatda deyilir ki, bununla bağlı döyüş sənəti ilə məşğul olan və xeyli sayda tələbələrə malik məşqçilərə müraciət edilib.

Onlara bildirilib ki, tələbələrdən ən yaxşılarını seçib onları müvafiq qurumlara təqdim etsin. Məşqçilərə açıq şəkildə bildirilib ki, həmin idmançılar rayonlarda asayişi qorumaqla məşğul olacaq. Hər idmançıya bu işin müqabilində gündəlik 100 manat veriləcək. Lakin məşqçilərin əksəriyyəti bu təklifdən imtina edib. Idmançılar özləri də xalqa qarşı çıxmağı yolverilməz sayıblar.