Türkiyədə keçmiş prokuror Zəkəriya Öz Gürcüstandan keçərək Ermənistana qaçıb. Prokuror sərhədi həmkarı Cəlal Qara ilə birlikdə keçib.

ANS PRESS –in məlumatına görə, bu haqda mətbuata Artvin şəhərinin valisi Kəmal Cirit məlumat verib.

Valinin sözlərinə görə, prokurorlar barələrində həbs qərarı çıxmamışdan əvvəl onların Sarp sərhəd keçid məntəqəsinə gəldiklərini və buradan sərbəst şəkildə keçdiklərini bildirib.

Keçmiş prokurorlar barədə silahlı birləşmə yaratma ittihami ilə cinayət işi açılmışdı. Onlar Türkiyəni həbslərinə order verilməsinə bir nəçə saat qalmış tərk ediblər. Prokurorların ölkədən qaçmaları kameraya düşüb.

Zəkəriya Öz və Cəlal Qara prokuror olduqları dövrdə işlərində buraxdıqları nöqsanlara görə 12 may 2015 ci ildə təmsil etdikləri vəzifələrindən azad ediliblər.

Türkiyədə Ergenekom işi ilə əlaqədar dövlət çevrilişinə cəhddə ittiham olunan şəxslərin işini aparan Zəkəriya Öz vəzifəli şəxsləri, biznesmenləri, generalları və onların qohumlarını həbs etmişdi.

Türkiyə höküməti Gürcüstan hakimiyyətinə müraciət edərək onların ekstradisiyasına çalışır. Ermənistanın Milli Təhlükəsizlik xidməti isə bildirib ki, onlarda prokurorların Ermənistana keçmələri barədə heç bir informasiya yoxdur.

Türkiyədə İstanbulun 3 keçmiş prokuroru barəsində dövlət çevrilişinə cəhd ittihamı ilə həbs qəti-imkan tədbiri seçilib. Gülən hərəkatının üzvü olmaqda şübhəli bilinən dövlət ittihamçıları Zəkəriyyə Öz, Cəlal Kara və Məhmət Yüzgəç iddiaya görə, demokratik yolla seçilmiş höküməti devirmək məqsədilə 2013-cü ildə korrupsiya qalmaqalına səbəb olmuş, hakim AKP partiyasının rəsmilərinə yönəlik 17 dekabr və 25 dekabr əməliyyatlarını təşkil edib.

Dövlət çevrilişinə cəhd maddəsiylə ittiham olunan prokuror Zəkəriyyə Öz mayın 12-də tutduğu vəzifədən kənarlaşdırılıb. Xatırladaq ki, 2013-cü ilin dekabrın 17-də Baş prokurorluğun göstərişi ilə Türkiyə polis idarəsinin Maliyyə cinayətlərinə qarşı şöbəsinin keçirdiyi əməliyyat nəticəsində korrupsiya ittihamı ilə 47 nəfər o cümlədən, Türkiyənin Ətraf mühit və Şəhərsalma Nazirliyi, Mənzil Tikinti Nazirliyindən olan bir neçə rəsmi, türk nazirlərin bir neçə övladı saxlanılmış, həmçinin daxili işlər naziri Müəmmər Gülər və iqtisadiyat naziri Zəfər Çağlayan istintaqa cəlb olunmuşdu.