BAKI, 24 iyul. TELEQRAF

Tailand Hərbi Hava Qüvvələrinə məxsus F-16 qırıcılarının Kambocaya zərbələri nəticəsində ölənlərin sayı məlum olub.

Teleqraf xəbər verir ki, hava zərbələri nəticəsində 11 mülki və 1 hərbçinin həlak olduğu bildirilir.

***
10:40

Tailand Hərbi Hava Qüvvələrinə məxsus F-16 qırıcıları Kambocanın hərbi mövqelərinə hava zərbəsi endirib.

Teleqraf xəbər verir ki, bu barədə “Khmer Times” qəzeti məlumat yayıb.

Məlumata görə, hücum Preahvixear vilayətindəki mübahisəli sərhəd bölgəsində baş verib.

Qeyd edilir ki, bu, sərhəd münaqişəsi zamanı Tailand Hərbi Hava Qüvvələrinin ilk dəfə döyüşdə istifadə edilməsidir.

***

09:27

Tailand Kamboca ordusuna qarşı hərəkətə keçmək üçün sərhəd bölgəsinə F-16 qırıcı təyyarəsi yerləşdirib.

Teleqraf xəbər verir ki, bu barədə TRT Haber məlumat yayıb.

Qeyd olunur ki, Kamboca isə açıqlama verərək, həmin təyyarədən iki bomba atıldığını bildirib.

"Tayland Kamboca ilə olan bütün sərhəd-keçid məntəqələrini bağlamaq qərarına gəlib",- məlumatda deyilir.

Xatırladaq ki, Tayland ilə Kamboca arasındakı gərginliyin səbəbi sərhəd mübahisələrinə, xüsusilə "Preah Vihear" məbədi ətrafındakı əraziyə bağlıdır.

Bu məbəd Kamboca ərazisində yerləşsə də, onu əhatə edən torpaqlara Tayland da iddia edir.

Mübahisə 2008-ci ildə BMT-nin YUNESKO (UNESCO) təşkilatının "Preah Vihear" məbədini Kambocaya məxsus kimi tanımasından sonra daha da kəskinləşdi.