Uzun müddət öncə Marsda həyat olduğunu iddia edən ABŞ alimləri şok iddia ilə çıxış edib.

  Alimlər Marsda həyatın bir zamanlar mövcud olduğunu, lakin yadplanetlilərin atom hücumu nəticəsində qırmızı planetdə hər şeyin məhv edildiyini irəli sürüb.

 “İnternəşnl Biznes” (İnternational Business) qəzetinin məlumaytına görə, ABŞ-ın Kosmos Müdafiəsi Sisteminin keçmiş üzvü professor Con Brandenburq bu iddia ilə çıxış edərək bir zamanlar planetimizə yaxın kosmik fəzada nüvə potensialına sahib yadplanetlilərin olduğunu və nüvə silahları ilə Marsdakı həyatı yox etdiyini təxmin edib:

 “Marsda nüvə partlayışlarına aid real faktlar mövcuddur. Bu partlayışlar nəticəsində Marsın iki qismi - Sidoniya və Utopiya yox edilib. Sözügedən ərazilər böyük yaşayış məskənləri olub. Planetin səthinin qırmızı rəngdə olması da bunu sübut edir”.

 Bəzi mütəxəssislər alimin bu iddialarını olduqca real hesab edir. Çünki NASA kosmik cihazları bir müddət öncə Mars atmosferində yüksək miqdarda ksenon-129 izotoplarının konsentrasiyası ilə bağlı məlumatlar əldə etmişdi. Bu məlumatlar öyrənildikdən sonra məlum oldu ki, izotoplar Çernobil faciəsi zamanl atmosferə yayılan izotopların tərkibi ilə eynilik təşkil edir.

 Axar.az