Azərbaycan Xalq Cəbhəsi Partiyasının sədr müavini Nurəddin Məmmədli Müsavat partiyasının son qurultayına münasibət bildirib.

AzNews.az-a açıqlamasında partiyanın rəsmisi dedi ki, qurultayın nəticələri ilə bağlı AXCP-nin mövqeyi nəyisə dəyişə bilməz: “Müsavat partiyasına yeni başqanı ilə birlikdə xalqımızın azadlıq və demokratiya uğrunda mübarizəsində daha fəal olmağı arzulayıram”.

Qeyd edək ki, Müsavat Partiyası sentyabrın 27-də özünün qurultayını keçirib və Arif Hacılı başqan seçilib. AXCP sədrinin müavini Fuad Qəhrəmanlı isə Müsavat Partiyasına yeni başqan kimi Qubad İbadoğlunu dəskəklədiyini bəyan etmişdi.