Kamaləddin Vilayətoğlu

Avropaya gedib-qayıdan dost tanışlardan oraların ab-havasından, həyat şəraitindən, insanlara verilən azadlq və təminatlardan eşidəndə,qanunsuzluq və rüşvətxorluq çirkabına qərq olunmuş bu ölkədən adamın lap qaçmağı gəlir. Təbii ehtiyatlar sarıdan bizdən kasad olan bu ölkələrdə - zəkaları, niyyətləri və dürüstlükləri sayəsində yaratdıqları insani və ümumbəşəri standartlar bu gün bütün dunya üçün etalon olmuşdur. Bütün bunların yaranması və həyata keçməsi üçün isə, əlbəttə həmin xalqların önündə gedən, başında duran insanlarınniyyəti və məqsədi əsas məsələdir. Məsələn, çox da uzağa getmədən ən yaxın qonşumuz Gürcüstanı bunamisal göstərmək olar. Təbii sərvətlər baxımından bizdən qat-qat kasıb olan və son əsirlik taleyini  bizimlə birgə yaşayan bu ölkənin başında duranların dürüst və qanuni xidməti sayəsindəartıq demək olar ki, bir “ cənnət” yaradılmışdır.
Deyirlər Avropada və ya Gürcüstanda olanda adamı başqa bir hiss, başqa bir emosiya bürüyür. Deməli qanunların işləməsi, xalqın rifahına, güzaranına istiqamətlənmiş qanunların qəbul edilməsi- insanların təkcə güzaranın deyil, həm də  dövlətə olan məhəbbətini yüksəldir. O insan bilir ki, onun hüquqları dövlət tərəfindən qorunur və onun dövləti zəifləyərsə onun hüquqları da təhlükə altına düşə bilər. Bizdə isə hər şey tərsinədir. kiçik bir arayışdan tutmuş –ta insan taleyinə qədər hər şey rüşvətlə həll olunur. Hər yerdə, hər işdə bürokratik əngəllərlə, bezdirici süründürməçiliklə və sairlərlə rastlaşırsan. Bu əngəllər isə, insanları istər maddi baxımdan, istərsə də  mənəvi baxımdan daha pis vəziyyətə salır. Misal üçün Gürcüstanda dövlət məmurlarını səhvlərinə görə cəzalandırmaq və ya tutduğu vəzifədən azad etməko qədər də çətin olmur. Bizdə isə- öz dədəsinin mülki kimioturduğu yerə sahiblənib istədiyi kimi insanlarla rəftar edirlər. Çünki bu vəzifə sahibləri isanları özlərinin şəxsi mülki kimi görürlər. Onları istər maddi cəhətdən, istərsə də mənəvi cəhətdən alçaldaraq təhqir etməklə səfalət içərisinə salmaqdan belə çəkinmirlər. Bu məmurlar dövlət içində bir dövlət  kimi fəaliyyət göstərirlər. Özləri üçün monopoliyalar yaradır, nəticədə bir ağaya çevrilirlər. Bütün bunları gördükdə bir sual ortaya çıxır – görəsən bu baş verənlər hökmüdarın niyyətidir, yoxsa riyakar məmur özbaşınalığının xisləti?  Hər halda düşünməyinə dəyər.