Polşalı idmançı Pyotr Malaxovski Rio–2016 Olimpiya oyunlarında qazandığı gümüş medalını auksionda satıb.

Axar.az xəbər verir ki, bu haqda məlumatı idmançı öz rəsmi Feysbuk səhifəsində verib.

Belə ki, Pyotra gələn təbrik mesajlarının içində 3 yaşlı körpəsinin göz xərçənginin Nyu Yorkda müalicə olunması üçün pula ehtiyacı olduğunu deyən ana da olub.

Pyotr bu mesajı oxuyandan sonra öz Feysbuk səhifəsindən izləyicilərinə səslənərək medalını auksiona çıxardığını deyib.

Çox keçmədən idmançı öz medalını 126 min dollara satmağa müvəffəq olub.

Sözügedən məbləğ xəstə körpənin ailəsinə çatdırılıb. 3 yaşlı körpə hazırda Nyu Yorkda müalicəyə başlayıb.