Fransada polis dəstələri Rusiya azarkeşlərinin qaldığı otelə silahlı basqın edib.

Axar.az xəbər verir ki, bu haqda məlumatı Ümumrusiya Azarkeşlər Birliyinin prezidenti Aleksandr Şprıgin Tvitter hesabında məlumat verib:

“Bu gün otelə 40-dan çox avtomatlı polis gəldi. Rus azarkeşlərin sənədlərini yoxlayıb, hamısının fotosunu çəkdilər”.

Qeyd edək ki, Avropa Çempionatında B qrupunda keçirilən ilk turda Rusiya və İngiltərə yığmaları arasında oyun 1:1 hesabı ilə başa çatıb. Oyun başa çatandan sonra 30 rusiyalı azarkeş ingilis azarkeşlərə hücum edib, onların əllərindəki bayraqları cırmağa çalışıb. Şəhərdə də azarkeşlər arasında toqquşma qeydə alınıb. Hadisə zamanı 31 nəfər xəsarət alıb.