Portuqaliyanın Odivellas şəhərində keçirilən 2016 Rio-De-Janeyro yay paralimpiya oyunlarına son reytinq xalı qazandıran Avropa çempionatının 2-ci günündə Azərbaycan Respublikası Milli Paralimpiya Komitəsinin cüdo idman növü üzrə idmançıları 57 kq çəki dərəcəsində Səbinə Abdullayeva, 63 kq çəki dərəcəsində Afaq Sultanova,73 kq çəki dərəcəsində Ramil Qasımov,81 kq çəki dərəcəsində Rövşən Səfərov və 90 kq çəki dərəcəsində Ramin Əliyev tatamidə öz güclərini sınayacaqlar.

Eyni zamanda Macarıstanda keçirilən poverliftinq idman növü üzrə açıq Avropa çempionatının son günündə 107+ kq çəki dərəcəsində idmançımız Məhərrəm Əliyev yarışa qatılacaq.
Xatırladırıq ki, poverlifting idman növü üzrə Gündüz İsmayılov qızı, Elşən Hüseynov gümüş( dünya rekordunu təzələyərək-243 kq), Ehmed Razm Azar isə bürünc medal qazanmışdır. Cüdo idman növü üzrə  100+ kq çəki dərəcəsində İlham Zəkiyev qızıl( bununla İlham 6-cı dəfə Avropa çempionu adına laiq görülmüşdür), 66kq çəki dərəcəsində  Bayram Mustafayev qızıl, 60 kq çəki dərəcəsində Ramin İbrahimov isə gümüş medala sahib olmuşdular.

TELEQRAF.AZ