 |
|
|
Bu gün AVRO-2016-nın seçmə mərhələsi çərçivəsində növbəti oyunlar keçirilir.
Teleqraf.az хəbər verir ki, H qrupunda yer alan milli komandamız 7-ci oyununa evdə çıxıb.
Yığmamızın rəqibi Xorvatiya millisi olub.Millilərimiz evdə qəbul etdiyi xorvatlarla 0:0 hesabı ilə bərabərə qalıb.
Bundan əvvəl səfərdə güclü Norveç komandası ilə matçda bir xal qazanan millimiz bu dəfə də qrupun lideri Xorvatiya ilə heç-heçə edib - 0:0. Ümumilikdə millimiz tarixində ilk dəfədir ki, ardıcıl üç oyunda uduzmur. Millimiz baş məşqçi Prosineçkinin gəlişindən sonra üç matça 5 xal qazanıb.
Qeyd edək ki, komandamız Xorvatiya ötən ilin oktyabrında səfərdə qarşılaşıb. Berti Foqtsun rəhbərliyi dövrünə təsadüf edən görüş millimizin biabırçı məğlubiyyəti ilə başa çatıb – 0:6.
AVRO-2016
Seçmə mərhələ
H qrupu
3 sentyabr
21.00 Azərbaycan - Xorvatiya 0:0
Azərbaycan: 1. Kamran Ağayev (q), 2. Qara Qarayev, 3. Məhəmməd Mirzəbəyov, 5. Bədavi Hüseynov, 9. Məhəmməd Qurbanov (6. Rəşad Sadiqov, 63), 11. Ruslan Qurbanov (17. Vüqar Nadirov, 79), 13. Dmitri Nazarov (8. Eddi İsrafilov, 90), 14. Rəşad Sadıqov (k), 19. Rahid Əmirquliyev, 21. Arif Daşdəmirov, 22. Əfran İsmayılov.
Ehtiyat oyunçular: 12. Aqil Məmmədov, 23. Səlahət Ağayev, 4. Pavel Paşayev, 7. Araz Abdullayev, 11. Rauf Əliyev, 15. Ruslan Abışov, 16. Tərlan Quliyev, 18. Elnur Cəfərov, 20. Cavid Tağıyev.
Baş məşqçi: Robert Prosineçki.
Xorvatiya: 23. Daniel Subaşiç (q), 2. Şime Vrsaylko, 3. Daniyel Pranyiç, 4. İvan Perisiç (16. Nikola Kaliniç, 83), 5. Vedran Çorluka, 7. İvan Rakitiç, 8. Marko Pyaça, 9. Mateo Kramariç, 10. Luka Modriç (k) (14. Marselo Brozoviç, 71), 17. Mario Mancukiç, 19. Milan Bedel (20. Mateo Kovaçiç, 59), 21. Domaqoy Vida.
Ehtiyat oyunçular: 1. İvan Varqiç, 12. Lovr Kaliniç, 6. Deyan Lovren, 11. Miyo Çaktaş, 13. Marko Leskoviç, 15. Ante Rebiç, 18. İvitsa Oliç, 22. Marin Leovaç.
Baş məşqçi: Niko Kovaç.
Sarı vərəqələr: Ruslan Qurbanov, 79. Kamran Ağayev, 82. Qara Qarayev, 90+3 - Domaqoy Vida, 44. 7. İvan Rakitiç, 77. Mateo Kovaçiç, 90+1.
Hakimlər: Ruddi Buket, Guillaume Debart, Kiril Qrinqore, Filip Jeanne (Fransa).
Əlavə köməkçi hakimlər: Fredi Fautrel, Amauri Deleru (Fransa).
UEFA nümayəndəsi: Jan-Fransis Kruk (Belçika).
Hakim-inspektor: Vitor Melo Pereyra (Portuqaliya).
Bakı. "Bakcell Arena"(8-ci kilometr qəsəbə stadionu)