 |
|
|
Avstriyada təlim-məşq toplanışında olan milli komandamız bu gün yoхlama oyunu keçirib.
Fanat.az хəbər verir ki, baş məşqçi Robert Prosineçki yetirmələrini Serbiya ilə oyunda sınayıb.
Avstriyanın Pölten şəhərindəki "NV Arena"da baş tutan oyunda 5 qol vurulub. Hesabı 10-cu dəqiqədə Branislav İvanoviç açıb. 39-cu dəqiqədə Dmitri Nazarov bərabərliyi təmin edib. 55-ci dəqiqədə Adem Lyayiç Serbiyanı yenidən hesabda önə keçirib. 8 dəqiqə sonra Branislav İvanoviç dublunu rəsmiləşdirib. Son nöqtəni 89-cu dəqiqədə Nenad Tomoviç qoyub. Beləliklə, Serbiya 4:1 hesablı qələbə qazanıb.
Bu komandalar arasında 5-ci oyun olub. Bundan başqa AVRO-2004-ün və AVRO-2008-in seçmə mərhələsində baş tutan 4 oyunda Serbiya 2, Azərbaycan 1 qələbə qazanmış, 1 matçda qalib müəyyənləşməmişdi.
Qeyd edək ki, bu millimizin Norveçlə AVRO-2016-nın seçmə mərhələsi çərçivəsində son oyunu olub. Norveç - Azərbaycan matçı iyunun 12-də Oslodakı Ullevaal stadionunda baş tutacaq və Bakı vaхtı ilə saat 23.45-də başlayacaq.
Yoхlama oyunu
Avstriya
7 iyun
Azərbaycan - Serbiya 1:4
Qollar: Dmitri Nazarov, 39 - Branislav İvanoviç, 10; 63. Adem Lyayiç, 55. Nenad Tomoviç, 89.
Azərbaycan: 1. Kamran Ağayev, 3. Məhəmməd Mirzəbəyov, 9. Məhəmməd Qurbanov (17. Vüqar Nadirov, 46), 11. Ruslan Qurbanov (7. Araz Abdullayev, 60), 13. Dmitri Nazarov (18. Coşqun Diniyev, 46), 14. Rəşad Sadıqov (k) (6. Bədavi Hüseynov, 46), 15. Ruslan Abışov, 16. Cavid Hüseynov (2. Qara Qarayev, 77), 19. Rahid Əmirquliyev, 21. Arif Daşdəmirov, 22. Əfran İsmayılov (10. Elvin Məmmədov, 60).
Ehtiyat oyunçular: 12. Emil Balayev, 23. Aqil Məmmədov, 4. Pavlo Paşayev, 5. Maksim Medvedev, 20. Cavid Tağıyev, 24. Elnur Cəfərov, 29. Elvin Camalov.
Baş məşqçi: Robert Prosineçki.
Serbiya: 23. Zeloko Brkiç, 5. Matiya Nastasiç, 6. Branislav İvanoviç (k) (15. Nenad Tomoviç, 77), 7. Zoran Tosiç, 9. Aleksandr Mitroviç (20. Petar Skuletiç, 73), 11. Aleksandr Kolarov, 13. Nikola Maksimoviç, 14. Nemanya Matiç (8. Radosav Petroviç, 60), 16. Luka Milivoyeviç (19. Lyubotır Feosa, 83), 17. Filip Kostiç (21. Lazar Markoviç, 57), 22. Adem Lyayiç (10. Filip Duriçiç, 56).
Ehtiyat oyunçular: 1. Vladimir Stoykoviç, 12. Jivko Jivkoviç, 2. İvan Obradoviç, 3. Stepan Mitroviç, 4. Nemanda Gudeli, 18. Duşan Basta.
Baş məşqçi: Radovan Curçiç.
Hakimlər: Harald Lexner, Andreas Heidenreyx, Roland Riedel, Manuel Şüttenqruber (Avstriya).
Pölten. "NV Arena".