ANS telekanalının, eləcə də radiosunun yayımının dayandırılması  cəmiyyətdə birmənalı olaraq qarşılanmayıb. Tanınmış siyasətçi və  hüquq müdafiəçisi Xəzər Teyyublu özünün “Facebook”  səhifəsində yazaraq ANS-in bağlanılmasını biabırçılıq adlandırıb.

Teleqraf.az Xəzər Teyyublunun münasibətini olduğu kimi təqdim edir:

“Qardaş Türkiyədə baş verənlər burda qurbansız ötüşmür. Qeyd edirəm ki hətta ictimai fəal insanlar bir birlərinə olan münasibətlərə zərər vurmaga belə gedirlər. Səhvdir .. Bu gün hər birimizin ölkə televiziylarına münasibəti fərqli və birmənalı deyil. Bu da ölkədə olmayan siyasi vəziyyətlə əlaqədardır.( durgunluq) Onların fəaliyyətləri ölkə siyasi reallıqlarına uygundur.

ANS televiziyasının baglanması pislənilməlidir. Ölkənin orta- iri media qurumu olan və 90 cı illərdə müstaqil dövlətimiz ugrunda gedən xalq hərəkatı proseslərindən yaranan ilk və alternativ xəbər məkanı olan ANS i bu günə qoymaq Ərdoganın mənasız intriqasına təslim etmək biabırçılıqdır. Ərdogan Fətullah qarşıdurması Türkiyəni zəiflətdi. Hər ikisi Atatürk cümhuriyyətçilik əleyhidarıdır. Türkiyə bu gün qaranlıga sürüklənib .Türk xalqı həm də şam yandırmagı da bacarır.

Qarşıdan mətbuat günü gəlir. Bu gün müdafiəyə ehtiyacı və haqqsızlıga düçar ANS başda oımaqla Dövlətçiliyimizin keşiyində olan bütün media nümayəndələrini peşə bayramı münasibətilə təbrik edirəm, və o gün olsun medianın manşet xəbər yerində  "Ölkədə demokratik seçki baş tutdu" və  "Qarabagda Ordumuzun qələbə paradı hazırlıgı gedir"  xəbərləri yer alsın. Möhkəm olun.Tanrı qorusun!”

P.S. Xatırladaq ki,Milli Televiziya və Radio Şurası Türkiyə ilə Azərbaycan arasında strateji tərəfdaşlıq münasibətlərinin pozulmasına yönəlmiş təxribatın qarşısını almaq, açıq şəkildə terrorizmin təbliğatına yol verməmək məqsədilə ANS telekanalının yayımının müvəqqəti dayandırılması barədə göstəriş verib.

ANS telekanalının qanunazidd fəaliyyəti ilə bağlı məhkəməyə müvafiq müraciət olunacaq və son qərar məhkəmə tərəfindən veriləcək.

Anar Rəsul