Parlament çevrilişə cəhd edənlərlə bağlı edam qərarı verərsə, onu imzalamağa hazıram.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan “CNN İnternəşnl”a açıqlamasında deyib.

“Açıq şəkildə “vətənə xəyanət” maddəsi var. Parlament edam məsələsini müzakirəyə çıxararsa və bununla bağlı qərarını verərsə, həmin sənədi imzalamağa hazıram”, - Ərdoğan bildirib.

***
Mərmərə otelində 15 dəqiqə də qalsaydım, öldürüləcəkdim.
“Atatürk Hava Limanının gözətçi qüllərini ələ keçirmişdilər. Telefon vasitəsilə İstanbul Polis İdarəsinin rəisinə həmin ərazini qiyamçılardan təzmiləməyi əmr etdim. Havada olduğumuz üçün bəzən əlaqə kəsilirdi. Pilota nə qədər havada qala biləcəyimiz dedim. O da “3-4 saat qala bilərik” deyə cavabladı. Qiyamçılar F-16 təyyarələri ilə səsdən sürətli uçuş həyata keçirdilər. Nəticədə yaranan güclü səs dalğası partlayış təəssüratı yaratdı. Belə bir vəziyyətdə xalqla görüşə gəldik”, - Ərdoğan bildirib.