Avropa İnsan Haqları Məhkəməsi Azərbaycandan göndərilmiş 13 iş üzrə qərarını açıqlayacaq. İyunun 30-da açıqlanacaq qərarlarla bağlı hüquqşünas Əsabəli Mustafayev məlumat yayb. Həmin məlumatı təqdim edirik:

“Hüquqlarını müdafiə etdiyim 13 siyasi və içtimai fəallar barəsində iyunun 30-da Avropa Məhkəməsi qərarlarını elan edəcəkdir. Bu işlərin hamısı qanunsuz həbs,sərbəst toplaşma hüquqlarının pozuntusu, siyasi ayrı-seçkiliyə məruz qalmaq ilə bağlıdır. Bu şəxslər aşağıdakılardır:

1.Məmməd İbrahim (hazırda yenə də həbsdədir)
2. Həsənov Bəhruz
3.Eyvazov Zülfiqar
4. Mirələmli Təzəxan
5.Kərimov İnqilab
6.Qurbanlı Əbülfəz
7.Fərhadlı Hafiz
8.Carullayev Elçin
9.Xalıqov Vaqif
10.Budağov Elşad
11.Hacıbəyli Rüfat
12..Abbasov Şakir
13.Carçıyev Orxan

Hər şikayət üzrə ayrıca qərar qəbul edilib. Bununla qərar qəbul edilmiş işlərimin sayı 71 olacaq. Son iki ildə 130 yaxın iş üzrə kommunikasiya aparılıb. Yəni hər həftə 1-2 iş üzərində onlarla sənədlər hazırlanıb, tərcümə olunaraq Avropa Məhkəməsinə göndərilib. Bu sahədə müəyyən təcrübəsi olanlar bilirlər ki, kommunikasiyanın aparılması həddindən ağır işdir və çoxlu vaxt və qüvvə tələb edir. Məhz bu səbəbdəndir ki, son iki ildə vəkillik fəaliyyətimi demək olar ki, dayandırmışdım. Yəqin dostlar başa düşürlər ki, vəkillik fəaliyyətimin zəifləməsi üzürlüdir və müvvəqətidir. Çünki bütün qüvvəmi ilk növbədə Avropa Məhkəməsi ilə kommunikasiyasının aparılmasına yönəltməli idim. Hələ qarşıda 100-ə qədər iş kommunikasiyanın başlanmasını gözləyir.Kommunikasiyası yekunlaşmış daha 81 iş isə öz qərarını gözləyir. Bilirəm ki, qərar gözləyənlərin indi zəngləri başlayacaq. Bu zəngləri əngəlləmək üçün dostlardan xahiş edirəm ki, bir qədər də dözümlü olsunlar. Yəqin ki, yaxın vaxtlarda yeni qərarlar çıxacaq”.

Azadlıq.info