Türkiyə KİV-lərinin verdiyi son dəqiqə məlumatına görə, az öncə paytaxt Ankarada partlayış baş verib. (Bakı vaxtı ilə saat 20.45)

 Musavat.com xəbər verir ki, partlayış Kızılay Meydanında, Güvənparkda, Atatürk bulvarında, metronun çıxışında baş verib. Ətrafda olan nəqliyyat vasitələrinin bir çoxu, o cümlədən də bir bələdiyyə avtobusu yanıb. Partlayışın nə səbəbdən baş verməsi hələlik məlum deyil.

FOX TV xəbər verir ki, partlayışın baş verdiyi yer paytaxtın ən mərkəzi yerdir, 1 nömrəli protokol yolu buradan keçir. Baş nazirlik də bu bölgədə yerləşir.

Telekanal hadisə yerinə çox sayda təcili tibbi yardım maşınlarının yollandığını bildirir.

Ətraflı məlumat əldə etdikcə oxucularımızın diqqətinə çatdıracağıq.

21:35 ***

DHA-nın verdiyi məlumata görə, partlayış nəticəsində 5 nəfər dünyasını dəyişib.

****
Ankara valiliyinin verdiyi rəsmi rəqəmlərə görə, terror nəticəsində 27 nəfər öldürülüb, 75 nəfər yaralanıb. Onlardan 23 nəfəri hadisə yerində, 4 nəfəri isə xəstəxanalarda dünyasını dəyişiblər. Baş verən hadisə ilə bağlı bütün Türkiyə televiziyaları proqramlarına dəyişiklik ediblər.

Musavat.com qeyd edir ki, terror bu dəfə də Türkiyə prezidenti Ərdoğanın Bakıya səfəri ərəfəsində baş verib.