 |
|
|
Avropa Liqasının "pley-off" mərhələsinə yekun vurulur.
Teleqraf.az хəbər verir ki, Azərbaycanı turnirdə təmsil edən "Qarabağ" və "Qəbələ"klubları cavab matçına çıxıb.
Premyer Liqanın son qalibi İsveçrənin "Yanq Boyz" klubunu qəbul edib. Səfərdə 1:0 hesablı qələbə qazanan "Qarabağ" evdə rəqibini darmadağın edib - 3:0. 4-cü dəqiqədə Reynaldo Silvaya qrşı kobud oynayan Stiv fon Bergen qırmızı vərəqə alıb. Təyin olunan penaltini Riçard Almeyda dəqiq yerinə yetirib. 43-cü dəqiqədə Reynaldo Riçardın ötürməsini qola çevirib. 61-ci dəqiqədə isə Əfran İsmayılov Dani Kintanadan aldığı ötürməni qolla tamamlayıb.
İki oyunun nəticəsinə görə 4:0 hesablı qələbə qazanan "Qarabağ" ardıcıl ikinci dəfə Avropa Liqasının qrup mərhələsinə yüksəlib.
Premyer Liqanın bürünc mükafatçısı "Qəbələ"isə Yunanıstanda "Panatinaikos"un qonağı olub. Bakıda 0:0 hesablı heç-heçəyə razılaşan "Qəbələ" Afinada iki dəfə hesabda önə keçsə də, üstünlüyü qoruya bilməyib. Hesabı 6-cı dəqiqədə Rikardinyonun ötürməsini qola çevirən Dodo açıb. Yunanlar buna Markus Berq 34-cü dəqiqədə vurduğu qolla cavab verib. Dodo 60-cı dəqiqədə yenə Rikardinyonun ötürməsindən sonra fərqlənib. 78-ci dəqiqədə Nano yenidən oyunda tarazlıq yaradıb və oyun 2:2 hesabı ilə başa çatıb.
Hər iki oyun heç-heçə başa çatsa da, "Qəbələ" səfər qolu hesabına qrup mərhələsinə vəsiqə qazanıb. Bu "qırmızı-qaralar"ın tarixində ilk belə haldı. Beləliklə, bu mövsüm Azərbaycan Avropa Liqasının qrup mərhələsində ilk dəfə iki klubla təmsil olunacaq - "Qarabağ" və "Qəbələ".
Avropa Liqası
Pley-off mərhələsi
Cavab oyunu
27 avqust
21.00 Qarabağ (Azərbaycan) - Yanq Boyz (İsveçrə) 3:0
Qollar: Riçard Almeyda, 4-pen. Reynaldo Silva, 43 (ötürmə - Riçard Almeyda). Əfran İsmayılov, 61 (ötürmə - Dani Kintana).
Qarabağ: 13. İbrahim Şehiç, 2. Qara Qarayev (6. Vüqar Mustafayev, 85), 9. Reynaldo Silva, 10. Dani Kintana, 14. Rəşad Sadıqov (k), 18. İlqar Qurbanov, 20. Riçard Almeyda, 22. Əfran İsmayılov (29. Raydell Pupon, 71), 25. Ansi Aqolli, 55. Bədavi Hüseynov, 77. Cavid Tağıyev (91. Coşqun Diniyev, 78).
Ehtiyat oyunçular: 1. Fərhad Vəliyev, 7. Namiq Yusifov, 19. Azər Salahlı, 32. Elvin Yunuszadə.
Baş məşqçi: Qurban Qurbanov.
Yanq Boyz: 18. İvon Mvoqo, 3. Florent Haderqyonay, 4. Milan Vilotiç, 5. Stiv fon Bergen (k), 6. Leonardo Bertone, 7. Miraləm Süleymani (29. Rafael Nutsolo, 65), 23. Skott Satter, 28. Denis Zəkəriyyə, 30. Aleksandr Qonzales, 31. Yuya Kubo (14. Milan Qayiç, 80), 99. Gilyam Oaro (77. Samuel Afum, 54).
Ehtiyat oyunçular: 1. Marko Volfli, 8. Yan Leçyaks, 20. Haris Tabakoviç, 21. Aleyn Roşa.
Baş məşqçi: Harald Qamperle.
Sarı vərəqələr: Riçard Almeyda, 51 - Aleksandr Qonzales, 16. Leonardo Bertone, 51. Florent Haderqyonay, 88.
Qırmızı vərəqə: Stiv fon Bergen, 4.
Hakimlər: Gediminas Majeyka, Vitautas Simkus, Vitenis Kazlauskas, Sergeyus Sliva (Litva).
Hakim-inspektor: Miroslav Vitkoviç (Xorvatiya).
UEFA nümayəndəsi: Stirbyotn Oskarsson (Finlandiya).
Bakı. Tofiq Bəhramov adına Respublika stadionu.
Avropa Liqası
Pley-off mərhələsi
Cavab oyunu
27 avqust
Panatinaikos (Yunanıstan) - Qəbələ (Azərbaycan) 2:2
Qollar: Markus Berq, 34. Nano, 78 - Dodo, 6 ; 60
Panatinaikos: 15. Luke Steele, 4. Giorgos Koutroubis, 9. Markus Berq, 10. Zeka (k), 19. Nikos Karelis (7. Viktor Klonaridis, 67), 20. Efstatios Tavlaridis, 21. Nano, 24. Serxio Sançes, 28. Kristos Bourbos (8. Anastasios Laqos, 77), 29. Sotiris Ninis, 32. Daniel Pranyiç (33. Mladen Petriç, 66).
Ehtiyat oyunçular:E 1. Stefanos Kotsolis, 12. Nikos Marinakis, 14. Abdul Jeleel Ayagun, 23. Nikos Kaltsas.
Baş məşqçi: Giannis Anastasiu.
Qəbələ: 22. Dmitri Bezotosnı, 3. Voyislav Stankoviç, 6. Rəşad Sadıqov, 7. Ermin Zets (4. Elvin Camalov, 86), 9. Sergey Zenyov, 10. Dodo (k), 15. Vitali Vernidub, 19. Aleksey Qay, 20. Rikardinyo, 21. Arif Daşdəmirov, 69. Aleksey Antonov.
Ehtiyat oyunçular: 33. David Pietrzkieviç, 5. Georgi Floresku, 8. Məhəmməd Mirzəbəyov, 11. Asif Məmmədov, 17. Qismət Əliyev, 66. Samir Zərgərov.
Baş məşqçi: Roman Qriqorçuk.
Sarı vərəqələr: Markus Berq, 40. Zeka, 52. Nano, 73. Efstatios Tavlaridis, 90+1 - Vitali Vernidub, 39. Aleksey Qay, 63. Rikardinyo, 78.
Hakimlər: İvan Krujilak, Tomas Somolani, Tomas Mokoş, Peter Kraloviç (Slovakiya).
Hakim-inspektor: Manuel Mexuto Qonzales (İspaniya).
UEFA nümayəndəsi: Volfqanq Tiyerixter (Avstriya).
Afina. Apoastolos Nikolaidis stadionu.