BAKI, 20 noyabr. TELEQRAF

Türkmənistan, Özbəkistan, Qırğızıstan və Tacikistan ali təhsil diplomlarının qarşılıqlı tanınması haqqında saziş imzalayıblar .

Teleqraf xəbər verir ki, sənəd bu ölkələrin akkreditə olunmuş universitetlərində əldə olunan ixtisasların birbaşa tanınmasını təmin edir, bürokratik maneələri aradan qaldırır və mütəxəssislərin region daxilində hərəkətini asanlaşdırır.

Müqavilə sayəsində məzunlar əlavə prosedurlar vasitəsilə diplomlarını təsdiq etmədən tərəfdaş ölkələrdə sərbəst şəkildə iş tapa, təcrübə keçə və təhsillərini davam etdirə, məsələn, magistratura və ya doktorantura proqramlarına daxil ola biləcəklər.

Tanınma mexanizmi o şərtlə qüvvədə olacaq ki, ixtisaslar region ölkələrinin ali təhsil sistemlərində müəyyən edilmiş ümumi standartlara cavab versin. İmtina yalnız tələblər və milli təhsil standartları arasında əhəmiyyətli uyğunsuzluqlar aşkar edildikdə mümkündür.