Bu ölkələrdən Azərbaycana gətirilən ət məhsulları yararsızdır

BAKI, 2 aprel. TELEQRAF

Ölkəmizə idxal olunan bir sıra ət məhsulu partiyalarında uyğunsuzluq aşkarlanıb.

Teleqraf xəbər verir ki, bu barədə Qida Təhlükəsizliyi Agentliyi (AQTA) məlumat yayıb.

Bildirilib ki, nəzarət tədbirləri çərçivəsində ölkəmizə idxal olunan bir sıra ət məhsulu partiyalarından nümunələr götürülüb. Məlum olub ki, Ukraynaya məxsus "Gourment" MMC, ”Azer Land” MMC, “Halal Food” MMC, “Qafqaz Konserv Zavodu” MMC, "Hereti Bottling Company" MMC idxalçı şirkətlərinin dondurulmuş mal əti məhsulları və "HRT Group" MMC idxalçı şirkətinin dondurulmuş toyuq hissələri məhsulu insan istehlakı üçün yararsızdır.

Həmçinin, Belarusa məxsus "Halal Food” MMC şirkətinin dondurulmuş mal əti və “Food Fish” MMC şirkətinin hisə verilmiş balıq filesi məhsullarında, Braziliyaya məxsus "M & T" LTD firmasının dondurulmuş mal əti, Rusiyaya məxsus "Universal-SVS" MMC şirkətinin dondurulmuş sümüksüz donuz əti, Monqolustana məxsus "Eleven Group" MMC şirkətinin dondurulmuş qoyun əti məhsullarında uyğunsuzluq aşkarlanıb.

Bildirilib ki, faktla bağlı qanunvericiliyə uyğun olaraq məhsul partiyalarının gömrük ərazisinin hüdudlarından kənara çıxarılması, məhv edilməsi və ya utilizasiyası barədə qərar qəbul edilib.