BAKI, 17 may. TELEQRAF
Bu gün Azərbaycan Premyer Liqasında XXXII tura yekun vurulacaq.
Teleqraf xəbər verir ki, son gündə 2 oyun baş tutacaq.
“Zirə” Zirə İdman Kompleksində “Sumqayıt”ı, “Sabah” isə “Bank Respublika Arena”da “Neftçi”ni qəbul edəcək. Hər iki oyuna eyni saatda – 18:00-da start veriləcək.
Hazırda 53 xalla 4-cü pillədə qərarlaşan Yuri Vernidubun komandası Rəşad Sadıqovun kollektivini 3 xal qabaqlayır. “Ağ-qaralar” bu gün qələbə qazanacağı və “qartallar”ın məğlub olacağı təqdirdə UEFA Konfrans Liqasına vəsiqəni təmin edəcək. Digər hallarda isə məsələ sonuncu tura qalacaq.
Qeyd edək ki, turun daha əvvəl keçirilən oyunlarında “Araz-Naxçıvan” “Kəpəz”i 2:0, “Şamaxı” “Turan Tovuz”u 3:2, “Qarabağ” “İmişli”ni 3:0 hesabı ilə məğlub edib, “Karvan-Yevlax” isə “Qəbələ”yə 1:2 hesabı ilə uduzub.
Azərbaycan Premyer Liqası
XXXII tur
17 may
18:00. “Zirə” – “Sumqayıt”
Hakimlər: Cavid Cəlilov, Kamran Bayramov, Müslüm Əliyev, Kamran Əliyev
VAR: İnqilab Məmmədov
AVAR: Zöhrab Abbasov
Hakim-inspektor: Zöhrab Qədiyev
AFFA nümayəndəsi: Rüfət Əmirov
Zirə İdman Kompleksinin stadionu
18:00. “Sabah” – “Neftçi”
Hakimlər: Kamal Umudlu, Namik Hüseynov, Vüsal Məmmədov, Elvin Bayramov
VAR: Fərid Hacıyev
AVAR: Akif Əmirəli
Hakim-inspektor: Asim Xudiyev
AFFA nümayəndəsi: Erkin Hüseynov
“Bank Respublika Arena”
