18 Oktyabr  - 10 Noyabr arasında  Çin Xalq Demokratik Respubliksının paytaxtı Pekin şəhərində  “Miss Bikini Universe 2015” beynəlxalq  model müsabiqəsi keçiriləcək.

Oxu.Az-a bu haqda məlumatı World Beauty Congress-in Qafqaz ölkələri üzrə kordinatoru, təşkilatçı Aqil Məmiyev verib.

“Təmsilçimiz Pərvin Həsənzadə ilə birlikdə hazırda yarışma ilə bağlı hazırlıqlara başlamışıq. Fotosessiylar, ölkəmizi tərənnüm edən video- tizerlər, TV ve media müsahibələrə başlayırıq. Pərvinin üzərində hazırda tanınmış stilist Günel Ağacanova işləyir. Hazırlıqlar Eurovision müsabiqəsi formasında aparılır. Təmsilçimiz müsabiqə üçün tanınmış fotoqraf Zeynal Məmmədlinin fotokameraları qarşısına keçərək zövqlü fotosessiya  hazırlayıb”.

Təşkilatçı onu da qeyd etdi ki, Pərvin Rusiyada peşəkar model kimi fəaliyyət göstərir eyni zamanda təmsilçimiz Pərvin Həsənzadənin ilk beynəlxalq yarışı deyil. “Miss Eurasia 2014”, “Miss Bikini SNQ 2014”, “Miss Asia 2014” müsabiqələrinin qalibidir.

“İnanıram ki, ölkəmizə bu dəfə də qələbə ilə qayıdacaq.Təmsilçimizin boyu 174 sm, yaşı 24-dür”-, deyə Məmiyev sözlərinə əlavə edib.

Xatırladaq ki, müsaqbiqənin beynəlxalq direktoru World Beauty Congress-in prezdenti Zamir Huseynov, Azərbaycan üzrə təşkilatçısı Aqil Məmiyevdir.