BAKI, 1 sentyabr. TELEQRAF

Suriyanın İdlib əyalətində avtomobilə yerləşdirilmiş bombanın partlaması nəticəsində ən azı iki nəfər ölüb, beş nəfər yaralanıb.

Teleqraf xəbər verir ki, bu barədə SANA agentliyi məlumat yayıb.

Hadisə İdlib şəhərindən 8 kilometr şərqdə yerləşən Binniş kəndində baş verib. Partlayış nəticəsində yanğın olub və hadisə yerinə təcili yardım maşınları və yanğınsöndürənlər göndərilib.

Partlayışın səbəbi ilə bağlı hələlik rəsmi məlumat yoxdur.