BAKI, 4 mart. TELEQRAF

İran yüzlərlə pilotsuz uçuş aparatı ilə ABŞ-nin İraq və Küveytdəki obyektlərinə hücum edib.

Teleqraf xəbər verir ki, bu barədə İran İslam İnqilabı Keşikçiləri Korpusu (SEPAH) məlumat yayıb.

Məlumata görə, İran Yaxın Şərqdə ABŞ qoşunlarının yerləşdiyi bir neçə obyektə, o cümlədən İraqın Ərbil şəhərindəki bazaya, eləcə də Küveytdəki Əli əl-Salim aviabazasına və Arifac düşərgəsinə 230 pilotsuz uçuş aparatı buraxıb.

***

11:22

İraqın paytaxtı Bağdadın beynəlxalq hava limanı yaxınlığında yerləşən və ABŞ qüvvələri tərəfindən istifadə edilən maddi-texniki təminat bazasına döyüş dronu ilə hücum edilib.

Teleqraf xəbər verir ki, bu barədə "Al Jazeera" telekanalı məlumatı yayıb.

***

İsrail ordusu Livanın paytaxtı Beyrut şəhərinə qarşı yeni hava zərbələri dalğasına başlayıb.

Teleqraf xəbər verir ki, bu barədə İsrail ordusu məlumat yayıb.

Bildirilir ki, həyata keçirilən hücumların əsas məqsədi Beyrutda yerləşən şiə təşkilatı "Hizbullah"a məxsus infrastruktur obyektlərini sıradan çıxarmaqdır.