BAKI, 26 may. TELEQRAF

Azərbaycan Xarici İşlər Nazirliyi (XİN) Gürcüstanı Milli Günü münasibətilə təbrik edib.

Teleqraf xəbər verir ki, bu barədə XİN-nin sosial media hesabında paylaşım edilib.

"Gürcüstanın Milli Günü münasibətilə Gürcüstan hökumətinə və xalqına ən səmimi təbriklərimizi və xoş arzularımızı çatdırırıq.

Dostluq, strateji tərəfdaşlıq və möhkəm qonşuluq əlaqələri ilə bir-birinə bağlı olan ölkələrimiz arasındakı daimi əməkdaşlığı yüksək qiymətləndirir və qarşılıqlı maraq doğuran bütün sahələrdə tərəfdaşlığımızın daha da güclənməsini səbirsizliklə gözləyirik.

Milli Günün mübarək, Gürcüstan!" - təbrikdə qeyd olunub.