BAKI, 4 aprel. TELEQRAF

Prezident İlham Əliyevin tapşırığına əsasən İrana növbəti humanitar yardım yola salınıb.

Teleqraf xəbər verir ki, bu sözləri jurnalistlərə açıqlamasında Dövlət Ehtiyatları Agentliyinin Ehtiyatlara Nəzarət departamentinin direktoru Emin Həsənzadə deyib.

"10 maşından ibarət 200 tonluq yardım karvanına müxtəlif qida məhsulları, dərman preparatları və tibbi ləvazimatlar daxildir. Bu, artıq üçüncü karvandır ki, Azərbaycandan İrana göndərilir," - deyə o, əlavə edib.