BAKI, 24 noyabr. TELEQRAF

“Cenevrədə ABŞ nümayəndə heyəti ilə danışıqlar davam edir, artıq Tramp komandasının bizi eşitdiyinə dair siqnallar var”

Teleqraf xəbər verir ki, bunu Prezidenti Volodimir Zelenski Cenevrədə diplomatik danışıqların gedişi barədə danışarkən deyib.

“Ukrayna nümayəndə heyəti Cenevrədə artıq bir sıra görüşlər keçirib: Amerika tərəfi ilə, həmçinin Avropadakı tərəfdaşlarımızla. İndi danışıqların nəticələri barədə nümayəndə heyətinin hesabatı oldu və bunlar həqiqətən də ciddi danışıqlar idi, çox şey dəyişir. Əsas odur ki, ABŞ nümayəndələri ilə dialoq var və Tramp prezidentinin komandasının bizi eşitdiyinə dair siqnallar var”, – prezident qeyd edib.

Zelenski müharibənin dayandırılması üçün real addımların atılmasının tərəfdarıdır: "Vacibdir ki, müharibənin dayandırılmasına yönələcək addımlar real olsun və bütün mexanizmlər işlək vəziyyətdə olsun. Nəticələrin doğru addımlar olması ilə bağlı gözləntimiz var. Birinci prioritet – etibarlı sülh, təmin olunmuş təhlükəsizlik, xalqımıza hörmət, Rusiyanın təcavüzündən ölkəni müdafiə edərkən həyatını qurban verən hər kəsə hörmətdir.”

Qeyd edək ki, ABŞ dövlət katibi Marko Rubio Prezident Donald Trampın da Ukrayna münaqişəsi ilə bağlı aparılan sülh danışıqlarının gedişindən razı qaldığını açıqlayıb.