BAKI, 16 yanvar. TELEQRAF

Ümumi təhsil müəssisələrinin VI-VII sinif şagirdləri arasında respublika fənn müsabiqələrinin rayon (şəhər) mərhələsi başlamaq üzrədir, amma müsabiqənin ötənilki qalib və mükafatçıları hələ də medal və diplomlarını ala bilməyiblər.

Bu barədə Teleqraf-ın Mərkəzi Aran bürosuna valideynlər məlumat verib.

Qeyd olunub ki, bu hal respublika fənn müsabiqələri tarixində ilk dəfə yaşanıb.

Məsələ ilə bağlı Teleqraf-ın sorğusuna cavab olaraq Təhsil İnstitutundan bildirilib ki, respublika fənn müsabiqələrinin medallar və diplomları növbəti həftə müvafiq regional təhsil idarələrində olacaq.

"Medalların verilmə tarixini onlar təyin edəcək", - məlumatda qeyd olunub.