BAKI, 1 avqust. TELEQRAF

"Bu gün səhər saat 06:30 radələrində xalq artisti, görkəmli ictimai xadim, sevimli muğam ustadı Arif İmran oğlu Babayev Mərkəzi Klinikanın Reanimasiya və intensiv terapiya şöbəsində həyata keçirilən hər tərəfli kompleks müalicə tədbirlərinə baxmayaraq vəfat edib".

Bu barədə Teleqraf-ın sorğusuna cavab olaraq Mərkəzi Klinikadan məlumat verilib.

"Mərkəzi Klinikanın kollektivi xalqımıza və mərhumun yaxınlarına dərin hüznlə baş sağlığı verir", - məlumatda qeyd olunub.