LAÇIN, 20 iyun. TELEQRAF

"İlk dəfədir ki, Qarabağdayam və buranın belə sakit və gözəl olacağını heç vaxt təsəvvür etməmişdim".

Bunu Teleqraf-a açıqlamasında Koreya Respublikasının ölkəmizdə yeni təyin olunmuş fövqəladə və səlahiyyətli səfiri Kımqu Kanq deyib.

O bildirib ki, Qarabağda tikinti işləri sürətli və çox yaxşı təşkil olunmuş formada aparılır:

“Ümid edirəm ki, bu tikinti işləri tezliklə tamamlanacaq və bölgədə tam mənada sülh bərpa olunacaq”.

Qeyd edək ki, Azərbaycan Prezidenti İlham Əliyev iyunun 15-də Koreya Respublikasının ölkəmizdə yeni təyin olunmuş fövqəladə və səlahiyyətli səfiri Kımqu Kanqın etimadnaməsini qəbul edib.